အွန်လိုင်းပေါ်မှ ထင်ထင်ရှားရှား ပြည်သူ့ဝန်ထမ်းကောင်းများ

”သူက ဝန်ထမ်းပဲကွာ ဝန်ထမ်းလိုပဲလုပ်မှာပေါ့”၊ ”မလုပ်မရှုပ် မပြုတ်”ဆိုသော စကားများသည် တစ်ခေတ်တစ်ခါက ဝန်ထမ်းလောကတွင် တွင်တွင်ကျယ်ကျယ် အသုံးများ၊ အကြားများခဲ့ရသော စကားစုများဖြစ်သည်။
မမှန်ဘူးလားဆိုတော့ မှန်ခဲ့ပါသည်။ ကျယ်ဝန်းသော ဝန်ထမ်းလောကတွင် အဆိုးနှင့် အကောင်းများ များပြားစွာရှိပါသည်။ အဆိုးများ၍ အကောင်းအချို့သည် ပေါ်လွင်ထင်ရှားခဲ့ခြင်း မရှိ နိုင်ခဲ့ပေ။

အွန်လိုင်းပေါ်မှ ထင်ထင်ရှားရှား ပြည်သူ့ဝန်ထမ်းကောင်းများ 1

အထူးသဖြင့် အောက်ခြေဝန်ထမ်းလောက တွင် မိမိကျရာနေရာ၊ မိမိတာဝန်ယူရာ လုပ်ငန်း အပေါ် ဂုဏ်ယူတတ်စွာ ဆောင်ရွက်နိုင်မှု၊ အများ ပြည်သူအကျိုးအတွက် ဆောင်ရွက်ပေးနိုင်မှု၊ အများပြည်သူအကျိုးအတွက် ဆောင်ရွက်ပေးရမှု အပေါ် စေတနာဖြူစင်စွာ စိတ်ရောကိုယ်ပါ တင်းပြည့်ကျပ်ပြည့် ဆောင်ရွက်ပေးနိုင်သူတို့မှာ ရှာရခက်ခဲသော ရတနာတစ်ခုသဖွယ် ဖြစ်ခဲ့ရသည်။ ရှိတော့ရှိသည် ရှားပါသည်ဆိုသည့်နှယ်….။

ယနေ့ကာလသည် ”ကမ္ဘာကြီးက ရွာကြီး ပမာ”၊ ရွာကြီးက အိမ်လေးတစ်အိမ်မျှသာ စက္ကန့် ပိုင်းအတွင်း မြင်နိုင်ကြားနိုင်၊ သိလာနိုင်ပြီဖြစ်သည်။ ကောင်းသော လုပ်ဆောင်မှု၊ မကောင်းသော လုပ်ဆောင်မှုများကို လက်ကိုင်ဖုန်းလေးတစ်ချက် နှိပ်ရုံ၊ ပွတ်ရုံမျှဖြင့် ထင်ထင်ရှားရှား ပေါ်ထွက်လာ ပြီဖြစ်သည်။

ပုဂ္ဂိုလ်ရေးအရ မဟုတ်ပါ။ ဂုဏ်ပြုထိုက်သူကို ဂုဏ်ပြုခြင်းသာလျှင်ဖြစ်သည်။ ထိုထိုသော အွန်လိုင်းစာမျက်နှာများထဲက ရန်ကုန်တိုင်းဒေသ ကြီးအတွင်း မြို့နယ်အချို့မှာ ထင်ထင်ရှားရှားဖြစ်ခဲ့ သော ပြည်သူတို့ အမှတ်ပေးများခဲ့သော ပြည်သူ့ ဝန်ထမ်းကောင်းအချို့အား ပုံနှိပ်စာမျက်နှာထက်သို့ တင်၍ ဂုဏ်ပြုဖော်ပြလိုက်ပါသည်။

စမ်းချောင်းမြို့နယ်

စမ်းချောင်းမြို့နယ်သည် အလွန်ကျယ်ဝန်း သော မြို့နယ်တစ်ခုဖြစ်သည်။ ရေစီးရေလာအတွက် အဓိကကျောရိုးမှာ အောင်ချမ်းသာမြောင်းကြီး ဖြစ်သည်။ မိုးတွင်းအခါ အောင်ချမ်းသာမြောင်းကြီး ဆီသို့ ကမာရွတ်၊ ဗဟန်း၊ ဒဂုံမြို့နယ်တို့ဆီမှ ရေများ က ဒလဟောစီးဝင်လေ့ရှိတတ်သည်။ မိုးသည်း သည့်အခါ ကျောင်းကြီးဘေးနားရှိ အောင်ချမ်းသာ ရပ်ကွက်မှာ နှစ်စဉ်ရေကြီးရေလျှံ၊ ရေဝင်မှုများနှင့် ကြုံတွေ့ခဲ့ရသည်။ ထို့အတွက် မြေညီအောက်ထပ် အခန်းများရှေ့တွင် ရေကတုတ်(ရေတား)များ ပြုလုပ်ထားကြရသည်။

အွန်လိုင်းပေါ်မှ ထင်ထင်ရှားရှား ပြည်သူ့ဝန်ထမ်းကောင်းများ 2

ထို့အတူ ဗားကရာလမ်းနှင့် ဗဟိုလမ်း (ရှမ်း လမ်း)ထောင့်ဆုံတွင် မိုးလေးနည်းနည်းသည်းလိုက် သည်နှင့် ရေပင်လယ်ကြီးဖြစ်ပြီး ယာဉ်အသွား အလာ၊ လူအသွားအလာတို့မှာ ခက်ခက်ခဲခဲ ဖြစ်ခဲ့ရသည်။

လမ်းဘေးတစ်လျှောက် ရေနုတ်မြောင်းများ ကို မိုးမတိုင်မီ နှစ်စဉ်ရှင်းလင်းသော်လည်း ရေလျှံ ခြင်းဒုက္ခကို အနီးအနားဝန်းကျင်ရပ်ကွက်များက ခံစားရမြဲဖြစ်သည်။
ဤတွင် စမ်းချောင်း(မြောက်)ရပ်ကွက် မင်္ဂလာလမ်းနေ မြို့နယ်စည်ပင်သာယာ ရွေးကောက်ပွဲကော်မရှင်ဥက္ကဋ္ဌ ဦးမြလှိုင်က ဗဟို လမ်း(ရှမ်းလမ်း) အောက်တစ်လျှောက်တွင် အင်္ဂလိပ်လက်ထက်က တူးခဲ့သော ရေမြောင်းကြီး တစ်ခု ရှိခဲ့ကြောင်း ၎င်းမြောင်းကြီးအား ရှင်းလင်း မှုမရှိခဲ့သည်မှာ နှစ်ပေါင်း ၂၀ ဝန်းကျင်ရှိပြီး ဗဟို လမ်းအဖြစ် ပြန်ခင်းစဉ်က ရေဝင်ပေါက်နေရာများ ကို ပိတ်ဆို့ထားခဲ့မှုနှင့် မြောင်းကြီးအတွင်းသို့ အလွယ်တကူ ဝင်ရောက်နိုင်သည့် နေရာများကို လိုက်လံပြသခဲ့သည်။
သို့အတွက် မြို့နယ်စည်ပင်အုပ်ချုပ်ရေးမှူး ဦးအောင်မြင့်မိုးနှင့် တာဝန်ရှိသူများက မေ ၁၁ ရက်တွင် စတင်လေ့လာမှုများ ပြုခဲ့ကြရသည်။

မြောင်းအရှည်မှာ ဗားကရာလမ်းဆုံမှသည် အောင်ချမ်းသာမြောင်းကြီးဆီသို့ ပေ ၁၆၀၀ ရှည်လျားပြီး ဂငယ်ပုံသ္ဌာန် အကျယ်ရှစ်ပေ၊ အမြင့် ရှစ်ပေရှိ ဗားကရာရှေးဟောင်းမြောင်းကြီး တစ်ခုအဖြစ် တွေ့ရသည်။ ဗားကရာလမ်းထိပ် ဘက်အခြမ်းတွင် ကျယ်ဝန်းသော်လည်း အောင် ချမ်းသာသို့ အထွက်တွင်မူ လူတစ်ကိုယ် အဝင် ထွက်နိုင်ရုံမျှသာ ရှိသည်ကို တွေ့ရသည်။

မေ ၁၄ ရက်တွင် စီမံရေးရာဌာန (ရေစီး ရေလာတာဝန်ခံ) ဦးအောင်ကိုမင်း ဦးဆောင်၍ မြောင်းရှင်းလုပ်သား ၁၀ ဦးတို့ဖြင့် ရှင်းလင်းမှုကို စတင်ခဲ့သည်။
ထင်ထားသည်ထက် ပိုမိုအခက်အခဲများ ရှိလာခဲ့သည်။ မြောင်းကြီးတစ်လျှောက် အမှိုက်ထု မှာ လေးပေခန့်ရှိပြီး အမှိုက်မှဖြစ်သော ကာဗွန်ဒိုင် အောက်ဆိုက်ဓာတ်ငွေ့များနှင့်အတူ ကြီးမားသော ကင်းမလက်မည်းကြီးများကြောင့် စိုးရိမ်စရာ အခြေအနေများနှင့် ကြုံတွေ့လာခဲ့ရသည်ဟု မြို့နယ်စည်ပင်အုပ်ချုပ်ရေးမှူး ဦးအောင်မြင့်မိုးက ပြောကြားမှုရှိခဲ့သည်။

မြောင်းရှင်းခေါင်းဆောင် ဦးအောင်ကိုမင်းက ]]အထဲမှာ အမှိုက်တွေပေါ်က စီးဆင်းနေတဲ့ ရေဆိုး တွေ၊ အောက်ခြေက အနိမ့်အမြင့် မညီညာတဲ့ အမှိုက်ထု၊ ခေါင်းပေါ်က မီးဆလိုက်အားလေးနဲ့ပဲ အရဲတိုး ဆောင်ရွက်ခဲ့ရတာပါ။ ဒီကြားထဲ လက်မ လောက်ရှိတဲ့ ကင်းမလက်မည်းကြီးတွေက အမှိုက် တွေကြားထဲက ထွက်ထွက်လာတတ်တယ်။ အဆိုးဆုံးကတော့ အဲဒီအထဲမှာဖြစ်နေတဲ့ အငွေ့က အသက်ရှူရတာ တစ်ခါတစ်ခါ ကျပ်ကျပ်လာတတ် ပါတယ်}}ဟု ကြုံတွေ့မှုကို ပြောပြ၍ သိခဲ့ရသည်။

သို့အတွက် မေ ၁၅ ရက်တွင် မြို့နယ်မီးသတ် အဖွဲ့၏ အကူအညီယူ၍ Blower (လေမှုတ်စက်)ဖြင့် မြောင်းအတွင်းသို့ လေသွင်းပြီး အ္တရာယ် ရှိ မရှိ၊ ဆက်လက်၍ ဆောင်ရွက်နိုင်ခြေ ရှိ မရှိ ထပ်မံ စမ်းသပ်လေ့လာမှုများ ပြုလုပ်ခဲ့ရသည်ဟု သိရ သည်။ လုပ်ငန်းကို ဆက်လက်ဆောင်ရွက်ရာ အထဲ တွင် အောက်ဆီဂျင်မပြတ်စေရေးအတွက် လေ မှုတ်စက် ဆက်တိုက်ဖွင့် ဆောင်ရွက်ခဲ့ကြရသည်။

အွန်လိုင်းပေါ်မှ ထင်ထင်ရှားရှား ပြည်သူ့ဝန်ထမ်းကောင်းများ 3

မြောင်းကြီးအတွင်း၌ စည်းကမ်းမဲ့သူတို့ အနှစ် နှစ် အလလက စွန့်ပစ်ထားသော ပလတ်စတစ် အိတ်များ၊ ရေသန့်ဘူးများ၊ ဖော့ဘူးများ၊ အချိုရည် ပုလင်း၊ အရက်ဘီယာ ပုလင်းဘူးခွံများ၊ ပလတ် စတစ်ဘောလုံးများက ထုနှင့်ထည်နှင့် တည်ရှိနေ သည်။

မေ ၁၄ ရက်မှ မေ ၂၄ ရက်အထိ သယ်ထုတ်ခဲ့ ရပြီး လေးတန်ယာဉ်ငယ်အစီး ၃၀ စာမျှ ရှိခဲ့သည်ဟု လက်ထောက်အုပ်ချုပ်ရေးမှူး ဦးကျော်မင်းနိုင်ထံ မှ ကြားသိခဲ့ရသည်။
စွန့်စွန့်စားစား မြွေမကြောက်၊ ကင်းမကြောက်၊ အသက်အန္တရာယ်နဲ့ပင် နီးကပ်စွာ ဆောင်ရွက်မှုတို့က အွန်လိုင်းစာမျက်နှာမှတစ်ဆင့် ပြည်သူများ၏ ရင်ဘတ်အတွင်းသို့ ထိမှန်စေခဲ့ သည်။ ပြည်သူ့အကျိုးပြုလုပ်ငန်းကို တာဝန်ကျေရုံ၊ လူကြီးကျေနပ်ရုံဖြင့် လုပ်ဆောင်ခြင်းမဟုတ်ခဲ့သည် မှာ လုပ်ငန်းက သက်သေပြခဲ့ပြီဖြစ်သည်။

မေ ၃၁ ရက်က ရွာသွန်းခဲ့သော မိုးများသည်း ခဲ့သော်လည်း ရေတင်ခြင်း၊ ရေလျှံခြင်း မရှိခဲ့သည် ကို တွေ့လာရသည်။ ကျန်ရှိနေသော ရေဆင်း ပေါက် နှစ်ခုကိုသာ ထပ်မံဖွင့်လှစ်နိုင်ပါက ပိုမို စိတ်ချရသော အခြေအနေအထိ ဖြစ်လာနိုင်မည် ဟု ဦးမြလှိုင်ကပင် မှတ်ချက်ပေးခဲ့သည်။

သို့အတွက်ကြောင့် တိုင်းဒေသကြီးလွှတ်တော် ကိုယ်စားလှယ်များ၊ သက်ဆိုင်ရာ စည်ပင်အရာရှိ များ၊ မြို့နယ်အထွေထွေအုပ်ချုပ်ရေးဌာနမှ အုပ်ချုပ်ရေးမှူးနှင့်တကွ မြို့မိ မြို့ဖများ၊ ရပ်ကွက် ပြည်သူများက ဇွန် ၁ ရက်တွင် မြောင်းရှင်းလုပ်သား များကို အထူးဂုဏ်ပြုပွဲဖြင့် ပြည်သူ့ဝန်ထမ်းကောင်း များအဖြစ် ဂုဏ်ပြုချီးမြှင့်ခဲ့သည်။

ကမာရွတ်မြို့နယ်

ထို့အတူ အွန်လိုင်းစာမျက်နှာထက်တွင် ပြည်သူက အမှတ်ပေးများခဲ့သူ တစ်ဦးကို ကမာရွတ်မြို့နယ်အတွင်း သွားရောက်ရှာဖွေခဲ့ သည်။
ဇွန် ၁ ရက် နံနက် ၆ နာရီခန့်တွင် သူမကို လှည်းတန်းဈေးအနီးတွင် တွေ့ဆုံခွင့်ရခဲ့သည်။ သူမ၏ အမည်က ဒေါ်ဖြူဖြူဝင်းဟု သိခဲ့ရသည်။ အသက်အားဖြင့် ၅၀ ဝန်းကျင်ခန့်ရှိမည်။

လာရောက်ရှာဖွေတွေ့ဆုံရခြင်း အကြောင်း ကို စတင်ပြောပြခဲ့ရာ နှစ်လိုဖွယ်သော အပြုံးဖြင့် ”ကျွန်မကတော့ ကျွန်မအလုပ်ကို ကျွန်မလုပ်နေ တာပါ။ ဘယ်သူရိုက်လိုက်တယ် မသိဘူး။ လိုင်းပေါ် မှာ ပေါ်လာတော့ သူများတွေပြလို့ သိရတာပါ”ဟု ဆိုသည်။
သူမ သန့်ရှင်းရေးတာဝန်ယူခဲ့ရသော နေရာ မှာ လှည်းတန်းဈေးရှေ့ဝန်းကျင် ကားလမ်းမ တစ်လျှောက်ဖြစ်သည်။ အမှိုက်ပုံးကြီး ၁၄ ပုံးဖြစ် သည်။ သုံးနေရာခွဲခြားချထားပြီး စွန့်ပစ်လာသော အမှိုက်များကို ရှင်းလင်းရခြင်းဖြစ်သည်။ထူးခြား သည်မှာ ၎င်းတာဝန်ယူရာ အမှိုက်ပုံးများမှာ ညစ်ပတ်နေမှု လုံးဝမရှိ။ ဝင်းဝါသော ဆေးသားတို့ က ပကတိသွင် ရှိနေခြင်းပင်ဖြစ်သည်။

သူမက”ကျွန်မက မနက် ၅ နာရီဆို အလုပ် ကို လာတယ်။ အမှိုက်လှည်းတဲ့ လမ်းကြောင်းက ၆ နာရီစတယ်။ လမ်းကြောင်းပြီးတာနဲ့ ကျွန်မ တာဝန်ယူထားရတဲ့ အမှိုက်ပုံးတွေကို သူ့အလှည့်နဲ့ သူ အတွင်းရော အပြင်ပါ ဆေးကြောတယ်။ ကျွန်မ က ဒီအလုပ်သာလုပ်တာ အသန့်ကြိုက်တယ်။ အမှိုက်ပုံးဆိုပေမယ့် ညစ်ပတ်ပေရေနေရင် အနားမကပ်ချင်ကြဘူး။ အဝေးကပဲ လှမ်းပစ်တတ် ကြတယ်။ အချို့ အမှိုက်ထုပ်တွေက ပုံးထဲတည့်တည့် မကျဘဲ လမ်းပေါ်မှာ ပြန့်ကျဲနေတတ်ပါတယ်။ အဲဒီတော့ ပတ်ဝန်းကျင်မှာ အညစ်အကြေးတွေနဲ့ ကျန်းမာရေးကိုလည်း ထိခိုက်စေပါတယ်။ အခုလို အမှိုက်ပုံးက သန့်နေတော့ အနီးအထိလာပြီး ထည့်ကြမယ်။

ပတ်ဝန်းကျင်မှာပါ သန့်ရှင်းမှုတွေ ရှိလာမယ်။ လမ်း သွားလမ်းလာတွေအတွက်နဲ့ အနီးပတ်ဝန်းကျင်ပါ ကောင်းလာနိုင်မယ်လို့ ကျွန်မယုံကြည်ချက်နဲ့ ကျွန်မလုပ်တာပါ။ ဒီလိုကောင်းတဲ့မှတ်ချက်တွေနဲ့ ဖြစ်လာတဲ့အတွက် ကျွန်မတင်မက ကျွန်မဌာနက ပါ ဝမ်းသာကြပါတယ်။ အနိမ့်ဆုံးဘ၀နဲ့ အနိမ့်ဆုံး အလုပ်ကို လုပ်ရပေမယ့် အများအတွက် လုပ်ရတာ ဖြစ်တဲ့အတွက် ကျွန်မအလုပ်ကို ကျွန်မဂုဏ်ယူပါ တယ်။ စိတ်ထားကောင်းရင် အလုပ်လည်းကောင်း သွားမှာပါ”ဟု ဆိုခဲ့သည်။
ဗဟန်းမြို့နယ်

ဓမ္မစေတီလမ်းနှင့် လင့်လမ်း လမ်းဆုံတွင် မီးပွိုင့်မရှိပေ။ လမ်းသုံးဘက်မှလာသော ကားများ က စက္ကန့်မလပ် ဖြတ်သန်းမောင်းနှင်နေကြသည်။ များပြားသောယာဉ်များကို အဆင်ပြေ ချောမွေ့စွာ သွားလာနိုင်ရေးအတွက် ယာဉ်ထိန်းရဲငယ်တစ်ဦး က ခရာမှုတ်၊ လက်ပြ၍ ထိန်းကျောင်းပေးနေသည် ကို ထိုနေရာမှ ဖြတ်သွားမိတိုင်း အမြဲလိုလို တွေ့မြင် နေခဲ့ရသည်။ လိုင်းကားမောင်းသူတစ်ဦးက ”ဒီလမ်းဆုံက ဒီရဲလေးရှိရင် အဆင်ပြေတယ်။
မီးပွိုင့်ထားတာထက် ပိုကောင်းတယ်”ဟု မှတ်ချက် ပေးဖူးသည်။

သူ့အမည်က ခင်မောင်မြင့်ဖြစ်သည်။ သူ့ကို အွန်လိုင်းမှာတင်မက မော်တော်ယာဉ်မောင်းသူ တိုင်းက ချီးမွမ်းစကားဆိုခဲ့ကြသည်။ ”အသား မည်းသော်လည်း အသည်းဖြူသူ”ဟု အမွှမ်းတင် ကြသည်။ ဘယ်သောအခါမှ သစ်ပင်အကွယ်မှ ချောင်းနေခြင်းမရှိ။ ယာဉ်မောင်းသူများကို အပြစ်ရှာ စောင့်ကြည့်ခြင်းမရှိခဲ့ပေ။ အမှတ်မထင် ယာဉ်လမ်းကြောင်းမှားလာလျှင် ခွင့်လွှတ်အပြုံး ဖြင့် လက်ပြ၍ လမ်းကြောင်းမှန်သို့ရောက်ရန် အကူအညီပေးသူဟု ကိုယ်တွေ့ကြုံခဲ့သူ စမ်းချောင်းမှ ဒေါ်မြမြမိုးက မှတ်ချက်ပေးဖူးသည်။

သူသည် နေရာသို့ရောက်လာခဲ့သည်မှာ ၂၀၁၀ ခုနှစ်လောက်ကဟု မှတ်ထင်မိသည်။ ရောက်စက လက်မောင်းတွင် တစ်ရစ်မှမပါပေ။
စေတနာသည် အစဉ်ရောင်ပြန်ဟပ်စမြဲဟု ဆိုကြသည်။ ခရီးသွားယာဉ်မောင်းသူများအပေါ် တာဝန်ဝတ္တရားအပြင် စေတနာဖြင့် စောင့်ရှောက် သူအဖို့မှာ လှပသော ရောင်စဉ်များက ပြန်လာမြဲ ပင် ဖြစ်သည်။

လမ်းကြောင်းမှန်ဖို့ အကူအညီပေး

တစ်ခါက လမ်းကြုံ၍ စကားပြောဖူးရာတွင် ”ကျွန်တော်က ကားတစ်စီးလာရင် ဖမ်းဖို့ ဘာမှား လာသလဲလို့ အကြည့်နဲ့ကြည့်လေ့ မရှိခဲ့ပါဘူး။ အန္တရာယ်မရှိနိုင်တဲ့ အမှားမျိုး ဖြစ်လာရင်တောင် လမ်းကြောင်းမှန်ဖို့ အကူအညီပေးခဲ့ပါတယ်။ မော် တော်ယာဉ်မောင်းသူတွေကလည်း ကျွန်တော် လမ်းဆုံမှာရှိရင် သူ့အလိုလို စည်းကမ်းတိုင်း မောင်း နှင်သွားတတ်ကြတော့ ဒီနေရာမှာ ပြဿနာ ကြီးကြီးမားမား မရှိခဲ့ဘူး”ဟု ပြောကြားပေးမှုကို ကြားထားဖူးခဲ့ရသည်။

သူ့အတွက် ဤနေရာသည် မေတ္တာပေး၍ မေတ္တာပြန်ရသော နယ်မြေဖြစ်သည်။ ပြည်သူက မေတ္တာဖြင့်ပေးသော အရာခပ်သိမ်းသည် သူ့အတွက် အင်အားများဖြစ်စေခဲ့သည်။ ပြည့်စုံ လုံလောက်စေခဲ့သည်။

အွန်လိုင်းပေါ်မှ ထင်ထင်ရှားရှား ပြည်သူ့ဝန်ထမ်းကောင်းများ 4

အွန်လိုင်းစာမျက်နှာများမှတစ်ဆင့်၊ ပုံနှိပ် မီဒီယာများမှတစ်ဆင့် ထင်ထင်ရှားရှားရှိသော သူသည် ယခုအခါ ဌာနဆိုင်ရာကပေးသော အဆင့်၊ သုံးရစ်ဟူသော ရာထူးအပြင် ပြည်သူက ပေးသော ပြည်သူ့ဝန်ထမ်းကောင်းတစ်ဦးအဖြစ် သက်တမ်းရှည်စွာ ဤနေရာ ဤနယ်မြေတွင် ပြည်သူနှင့် တစ်သားတည်း ဖြစ်နေဦးမည် သာဟု ပြည်သူကပေးသော ပြည်သူ့ဝန်ထမ်း ကောင်းများကို စုစည်းဖော်ညွန်း တင်ပြလိုက်ပါ သည်။ ။